【殯儀策劃師隨筆】

今日傳來許紹雄先生離世的消息，不禁讓我回想起他螢幕上鮮活的角色, 使徒行者 歡喜哥, 新紮師妹 方中sir, N年前嘅新紮師兄 舅父冬 帶給觀眾的歡笑與感動.

從「歡喜哥」許紹雄睇人生：笑住回憶，更要學識規劃

記得《使徒行者》裡邊個個面笑心算嘅歡喜哥，仲有《新紮師妹》入面成日俾吳彥祖激親嘅方中SIR。許紹雄呢類資深演員，真係陪住我哋大，佢哋嘅角色已經成為我哋集體回憶嘅一部分。

做咗呢行25年，我越來越明白，與其到時先嚟傷心，不如學識用許紹雄嗰種幽默感嚟面對生命。佢嘅角色話俾我哋知，就算係配角，都可以活出自己嘅精彩。

見到好似許紹雄同馮淬帆呢啲資深演員，佢哋對生命有更深嘅感悟，好多都會提前規劃身後事。呢點我真係好認同。見得太多家庭，因為家人突然離開，傷心之餘仲要面對一大堆艱難決定。

所以我成日同客講，「人生規劃五寶」——預設醫療指示、持續授權書、平安紙、生前契約、同身心靈治療，真係唔係咩忌諱嘢。價錢其實好貼地，普羅大眾都負擔得起。最大嘅心願就係見到呢啲服務普及化，等大家都可以有準備、有尊嚴咁行完人生最後一程。

多謝許紹雄同所有出色嘅演員，用演技帶俾我哋咁多歡樂。佢哋創造嘅經典角色，就係佢哋留低嘅「第二生命」。

希望大家睇完呢篇文章，除咗會心微笑諗起歡喜哥之外，都會抽少少時間，為自己同家人嘅未來做個規劃。畢竟，活得精彩，走得從容，先係對生命最好嘅尊重。

小編潤華