【殯儀策劃師隨筆】

前日起身拎起手機睇吓Facebook知道咗馮淬帆呢位咁資深嘅演員過身,嗰一刻心情都有啲唔開心，因為以前剩係得有線電視同Now TV嘅年代, 成日播嚟播去都係嗰啲電影, 嗰陣時好鍾意睇精裝追女仔, 睇幾多次都覺得呢個劉定堅真係唔係流, 尤其是佢用收縮水沖完涼之後真係笑到停唔到(姐姐你隻金錶好靚呀), 有時久唔久出去同朋友食飯人哋帶隻金錶我都會扮吓馮淬帆令到大家開心一下,一來大家有共鳴，二來確實真係幾好笑, 當然這篇文章亦有其他嘢同大家分享, 馮淬帆呢位資深嘅演員, 喺生前已經準備好身後事規劃, 可能電影或者演藝界佢得到生命感悟, 人生規劃好令到自己臨終嘅時候得到自己的選擇, 生前他已經簽訂預設醫療指示, 令到需要急救嘅時候唔需要再令家人幫佢選擇一個困難嘅問題, 不做搶救不打強心針, 其實坊間都好多講座推廣人生規劃身後事規劃嘅服務, 通常都會係有五寶, 預設醫療指示, 持續授權書, 平安紙, 生前契約, 以及身心靈治療, 呢啲服務已經不再只是我認知的有錢人或者馮淬帆這些資深演員的服務, 價錢都是一般普羅大眾接受到, 小編都好想呢啲服務普及希望藉着這個文章令到大家留意多啲身後事規劃嘅服務. 

小編潤華