2026年，一對來自上海的夫婦，慶祝結婚50周年，參加泰國五天四夜旅行團。呢個旅行，係佢哋送俾自己嘅金婚禮物。50年，半個世紀，由後生仔女牽手，到頭髮花白，佢哋決定趁行得走得，一齊去睇吓世界。 回程時，飛機由泰國直飛上海。途中，太太因心臟病突發，喺座位上面失去意識。機組人員發現之後立即通知機長，機長決定緊急降落香港國際機場。降落後，太太被立即送往北大嶼山醫院搶救，最終證實不治，遺體送往葵涌公眾殮房。 先生一個人，喺香港。冇親人，冇朋友，語言唔通，連太太嘅遺體送去邊度，佢都唔知。佢打電話俾我哋嘅時候，聲音係震嘅。我哋冇多問，即刻派同事去葵涌殮房。
